Shillong, Iaiong 10: Ka jingiakob ialehkai Basketball jong ka KSU Mawlai Circle kaba la tip kum ka Maitshaphrang Khasi League Basketball Tournament, kala jam sha ka sngi kaba 6 bad hynne ka sngi Balang la pynlong ia ki 7 tylli ki jingiakhun.
Ha kane ka jingiakob ialehkai kaba la pynlong ha Madan ialehkai Basketball jong ka Mawlai Nongpdeng kila don 5 tylli ki jingiakhun ha ka liang ki Shynrang bad 2 tylli ha ka liang ki kynthei.
Ha ka jingialehkai hapdeng ki Kynthei, ka Dubakh B kala pynrem ia ka Swish Hustlers da 53 la 18 point bad ia ka nam Player of the match la ioh da ka Tngenshisha Kharpuri jong ka Dubakh.B, katba ka B.B Basketball kala shah pynrme ha ka The Team d 12 la 64 point bad ia ka nam Player of the match la ioh da ka N Sumer jong ka The Team.
Ha ka jingiakhun ha ka liang ki shynrang, ka Dubakh A kala pymrem ia ka Nangkiew Shaphrang da 83 la 14 point bad iaka nam Player of the match la ioh da u Gilbert Lyngdoh jongka Dubakh.A, katba ka ONYX kala pynrem ia ka Dubakh C da 86 la 23 point bad u Meban Shadap jong ka ONYX ula ioh ia ka nam Player of the match.
Ka Eagle Elite kala shah pynrem noh ha ka Lussco da 34 la 44 point bad u Clement jongka Lussco ula ioh ia ka nam Player of the match, katba ka Azriel kala pynrem ia ka Mawiong da 57 la 24 bad ia ka Player of the match la ioh da u Josaiah Sungoh jong ka Azriel.
Ka Iaineh B kala pynliem ia ka Nangkiew Shaphrang da 50 la 28 point bad ia ka nam Player of the match la ioh da u Baniaineh jong ka Iaineh.B.
