Shillong, Iaiong 01: Ka Meghalaya Energy Corporation Limited (MeECL) kala pyntip ba ka Tnad kala treikam khlem shongthait ban pynbiang ia ka bording elektrik hapoh ka Jylla.
Ha ka kyrwoh bala pyllait, ka MeECL kala ong “Namar ka jingwan kynsan ka eriong, bun ki dieng kila shah jynrat ha kylleng ka Jylla. Namar kata, bun ki transformer bad ki sainar kila shah pynjulor ha kylleng ki jaka jong ka Jylla kynthup ha Shillong. Ka kynhun jong ngi kala trei miet la bad sngi ban pynioh bording biang kham kloi kat kaba lah”.
Ka Tnad ka pynpaw ia ka jingsngewsih halor ka jingeh bala mad da ki paidbah nongthang bording.
