Shillong Lber 27: Ka Border Security Force (BSF) Meghalaya Frontier, kala pynlong ia ka “Seema Darshan Programme”, ha ka sngi Ba-ar na ka bynta ki samla pule bad ki nonghikai jong ka Commerce College Shillong ha Border Out Post Barmanbari.
Ha katei ia ka prokram la ai ka jingbatai kaba bniah ia ki samla pule shaphang ka rukom treikam kaba kongsan jong ki shipai BSF ha ki kam iada ia ki jaka khappud jong ka ri.
La pdiang sngewbha ia ki samla pule bad ki nonghikai da u Rajiv Kumar uba long u Commandant jongka 193 Bn BSF ha ryngkat ka jingdon ki ophisra bad ki shipai BSF.
Ki BSF kila pyni ia katei ka kynhun ia ki tiar siat bad ia ki tup ki man kaba ki shipai ki pyndonkam ha kaban iada ia ka ri bad kane ka jingpyninam ka long ruh kum ka lad ban pynsngewthuh khambha ia ki samla shaphang ki shipai iada khappud bad ia ka jingkloi ban len ia la ka jingim ban iada ia ka ri.
Ki nonghikai bad ki samla pule kila pynpaw ia ka jingsngewnguh ia ka BSF kaba la pynlong ia kane ka prokram bad kumjuh ban sngewthuh iaka rukom pyniaid ia ka Border Haat, Balat kaba don ha khappud bad ka ri Bangladesh.
