Nongpoh Lber 22: Ryngkat bad ka pyrthei baroh kawei, ka ophis Public Health Engineering (PHE), Ri Bhoi lyngba ka District Water and Sanitation Mission, ka la rakhe hynne ka sngi Thohdieng, ïaka World Water Day ha Indor Studium Umlynkadait.
Ha kane ka jingrakhe la wan ban sakhi lang da u L. Arengh Divisionsal Officer Soil Water & Conservation Ri- Bhoi District, u Bah B Rynjah assistant Divisionsal Officer Soil Water & Conservation Ri- Bhoi District, ka Valeria W. Momin Superintending Engineer, PHE, Ri Bhoi,ki khynnah skul, ki nonghikai bad ki nongtrei na ka tnat PHE ki la wan ban sakhi lang ha kane ka sngi.
Ha ka por mynstep la pynlong shwa da ka Exhibition ha kaba ki khynnah pule na ki skul bapher bapher ki la wan ban ïashim bynta ha ka jingïakop pyni ïa ki jingshna kumno ban tyngkai bad pynneh ïa ki tyllong umbam, umdih.
Ki nongpynïaid ki la ai khusnam ruh sha ki nongjop, ha kaba ka St. Mary’s Sec School Nongkhrak, Nonglyngdoh ka la rah iaka nam laduh bad ha ka kyrdan ba ar la ioh da ka Alpha English Higher Secondary School, Nongpoh, bad ha kyrdan ba lai la ioh da ka Nehru Memorial Higher Secondary School, Umsning.
Nalor kane, la sam ruh ia ki khusnam sha ki nongïashim bynta haka jingïakop rwai tynrai bad ia ki nongjop ha ka jingmareh Marathon.
, Ri Bhoi lyngba ka District Water and Sanitation Mission, ka la rakhe hynne ka sngi Thohdieng, ïaka World Water Day ha Indor Studium Umlynkadait.){kind=link}