Shillong, Lber 13 : Ki Pulit ka Ri-Bhoi hynne ka sngi Balang, kila ioh kurup biang ia ki bomb, ka pistol bad ki lama jong ka HNLC na Ri-Bhoi District.
Kane ka jingioh kurup kala wan jia da ka jingphla jong uba shah kem, uba la ialam lynti ia ki Pulit ban pynlong jingkhynra ia ka Iingsah.
Ki Heh Pulit ki iathuh ba kine ki jingjia kila wan jia hadien ka jingtohkit ia ka case bala register hapoh ka Nongpoh Police Station hapoh ka kyndon 120B/121A IPC pule lang bad ka kyndon 10/13/18 UA(P)Act bad ka kyndon 5/6 Explosives substance act.
U Superintendent of Police ka Ri-Bhoi u pyntip ba ki tiar ba ioh kurup na kane ka Iing ki kynthup ia kawei ka pistol, katto katne ki galatin stick, ki detonator, ki ignition fuse bad ki lama HNLC.
U iathuh ba ha ka jingtohkit la shem ba ki nongialam ka HNLC na Bangladesh kila ai jingbthah ia ki dkhot ka Sleeper Cell ba kin pynbthei bomb ha Shillong bad Nongpoh.
Ula pyntip ba ki Nongialam ka HNLC kila pynbiej ban ai da ka song pisa kaba heh kynthup ka kali thymmai ia ki dkhot ka Sleeper Cell ba kin pynbthei bomb IED.
U iathuh ba dei kane ka kynhun Sleeper Cell kaba ju pynher ia ka lama jong ka HNLC ha ki snem bala leit noh halor ka jingbthah jong ki Nongialam na Bangladesh.
Ka jingtohkit mynta ka dang iaid shaid shaid ban nang lapdien shuh shuh ia ki kam ka Sleeper Cell ka HNLC.
Act bad ka kyndon 5/6 Explosives substance act.){kind=link}