Shillong, Lber 11 : Ki Pulit ka East Khasi Hills, kila kem haduh 2 ngut ki briew kiba suba donkti ha ka jingpynbthei ia u bomb IED ha jaka iengbos Syndicate, Them Metor myn ha ka miet sngi Saitjain.
U Superintendent of Police ka East Khasi Hills Rituraj Ravi, u pyntip ba ia kine ki arngut la kem ha ka miet Sngi U Blei.
Kine ki arngut ki kyrteng u Ebakordor Nongpluh ba 26 snem, uba dei na West Jaintia Hills lem bad u Bah Tarson Lymba ba 58 snem uba dei na West Jaintia Hills.
U iathuh ba ia u Ebakordor la kem na Shillong katba ia u Tarson Lymba la kem na Dawki.
U Bah Tarson Lymba u dei u Nongialam ka seng Hynniewtrep National Youth Front (HNYF) uba bat ia ka kam Disciplinary Secretary ka Seng.
U dei ruh uba ju ialam lynti ia ka kynhun iakren iasuk jong ka Sorkar haba leit shaw ia ki Nongialam ka HNLC kiba wan sha ka miej iakren iasuk ha ki bnai bala leit noh.
U Superintendent of Police u pyntip ba ka jingtohkit mynta ka dang iaid shakhmat.
