Shillong, Rymphang 29: Ka Khasi Students’ Union (KSU) Mawkyrwat Circle, hynne ka sngi Palei, kala leit pan jingshai na u District Medical & Health Officer (DMHO) ka South West Khasi Hills halor ka jingkynnoh jah rngai ki 16 tylli ki kam ba lait (post) na ka jingpynbna laitkam (Advertisement) hapoh ka Ayush Hospital ba 10 jingthiah.
Kat kum ka jingong ka KSU, ka jingbthah kala mih na u Dr. Joram Beda (IAS), Commissioner & Secretary ka tnad ka Koit ka Khiah lyngba ka shithi No. NAM-MSAS/Recruit/Ayush-Hosp/09/2024/352 haka 5 tarik Rymphang 2024, ba pyntip ia u Deputy Commissioner cum Chairman District Ayush Society ka SWKH ia ka jinglait haduh 40 tylli ki kam ha ka Ayush Hospital ba 10 jingthiah.
Hynrei ka ong, sngewsih pat ba ka Ophis u DMHO ha ka jingpynbna laitkam ba mih ha ak 23 tarik Rymphang, la pyntip ba ki kam kiba lait ki don tang 24 tylli katba 16 tylli ki khlem paw satia ha ka jingpynbna.
Ka KSU ka suba jur ba ka lah ban don kaei re kaei ha lyndet kane ka jingpynmih jingpynbna laitkam bad suba jur ruh ia ka jingthungkam sopsop kaba pynduh lad ia ki samla thep kam ba kin iakhun ia kine ki 16 tylli ki kam.
Ka KSU kala dawa ia u DMHO ba u dei ban pynshai ia kane bad ban phah pyllait biang ia ka jingpynbna laitkam ba kynthup lang ia kine ki 16 tylli ki kam ba lait.
Ha kajuh ka por, kala kyntu ia u Deputy Commissioner ka District ba u dei ban tuklar mar mar ia kane ka kam lem kumta ka seng kan shim da kiwei pat ki sienjam ban sei madan bad leh eiei pyrshah ia kane ka kam.
 Mawkyrwat Circle, hynne ka sngi Palei, kala leit pan jingshai na u District Medical & Health Officer (DMHO) ka South West Khasi Hills halor ka jingkynnoh jah rngai ki 16 tylli ki kam ba lait (post) na ka jingpynbna laitkam (Advertisement) hapoh ka Ayush Hospital ba 10 jingthiah.){kind=link}