Guwahati, Rymphang 26 : U Nongialam ka Congress Gaurav Gagoi ula ther tyngeh ia ka BJP halor ka jingkynnoh ba ka pyndonkam ia ka Income Tax (IT) bad ka Central Bureau of Investigation (CBI) ban pynkylla sohpdung ia ki Nongialam ka Liang Pyrshah.
Haba iaren bad ki nongthoh khubor, u Gaurav Gagoi ula ong ba u MP ka Congress Rahul Gandhi ula pynlong ia ka “Bharat Jodo Nyay Yatra” bad ai mynsiem ba ka don ka liang pyrshah kaba khlain pyrshah ia ka BJP.
“U Rahul Gandhi ula shim ia ka bynta kum u Liang Pyrshah bad ka BJP ka sngewthuh bha ia kane bad kala pyndonkam ia baroh ki bor ba ka don kata ka CBI bad IT ban pynlong sohpdung ia ki Nongialam Liang Pyrshah bad pyndik ia ki ba kin ym mushlia kam” ong u Gagoi.
Lah ban kdew hangne ba ka jingiakawang ktieh hapdeng ka Congress bad BJP kala jur bha mynta katba dang jan sha ka elekshon Lok Sabha.
Ka jingiashrut hapdeng ki Nongalam ka Congress ruh ka dei kaba la pynkhuslai bha mynta ia ka Congress ha Assam.
Ka Assam kala mad biang ia ka jing nang troin hadien ka jingiehnohkam sa uwei pat u Nongialam bala rim bha Rana Goswami na ka jinglongnongialam ka Upper Assam.
