Shillong, Rymphang 19: Ka Tnad Police Traffic kala pynbna ba kan khang iaid kali ha ka thain Golflink bad Mawroh ha ka 22 bad 23 tarik u Rymphang namar ka jingpynlong ia ka All India Police Golf Tournament kaba 27 ha Shillong Golf Course.
Kane ka jingkhang iaid kali kan treikam naduh ka por 5 baje mynstep haduh ka 5 baje janmiet ha kine ki sngi.
U Superintendent of Police (Traffic) u K Prasad ula pyntip namar ka jingpynlong ia ka Golf Tournament,kala don ka jingpynbeit iaka rukom iaid kali kiba wan na Lad Mawroh sha Golflink.
Ki kali kiba wan na Mawlai Bypass-Lad Mawroh kiba thmu ban wan sha Polo, ynda kila poi ha Lad Mawroh kin hap ban iaid noh sha FCI ban poi sha Polo bad kumta ter ter.
Hynrei yn shah ia ki kali ba kin iaid tang haduh ha MPPS ne ka PTS kaba rim na ka bynta ban leit buh skul.
Ki kali kiba wan na Lad Golflink kiba kwah ban leit sha Lad Mawroh, kin hap ban iaid noh na Tiara Restaurant ban mih sha Cahandmari- Lad Mawroh bad kumta ter ter.
Kane ka jingkhang iaid kali kan long naduh ka por 5:30 Mynstep haduh 5 baje janmiet bad yn ym shah ruh ban pynieng ia ki kali hajan jong ka Golf Course.
