Guwahati, Rymphang 19 : Ka skul Carmel, kawei na ki skul missionary ba rim duh ha Upper Assam, kala pan ia ka jingiada na ki bor Pulit hadien ka jingwan tah poster ki runar ha ka kynroh skul ba byrngem ia ki bor pyniaid ba kin “weng noh’ ia baroh ki motdur niam napoh ka skul.
Ki bor pyniaid ka skul kila pyntip ia kane ka jingjia sha ki Pulit ka Cinnamara bad iathuh ba ia kane ka poster la wan tah ha ka miet sngi Thohdieng bad kyrpad ia ki Pulit ba kin shimkhia ia kane ka kam bad ban leh eiei mardor.
Kane ka skul ha don ha Jorhat District ka Assam.
Ia kane ka shithi kaba pan ia ka jingiada na ki Pulit, bala ai da ka Balang, kala ong ruh ba kane ka kam kala wanah ia ka jingbym sngew shngain shuh hapoh ka phyllaw jong ka skul.
Haduh mynta ym pat don satia mano mano ruh ba kam donkti halor kane ka jingwan tah poster.
Kane ka jingjia kala mih ruh hadien katto katne ki kyndon shit niam ha Guwahati, kila bthah ia ki skul ba pyniaid da ki missionary lane ki balang Khristan myn ha ka 7 tarik Rymphang, ba kin weng noh ia ki dur ne motdur jong u Jisu, ka Mary bad u diengphna na ki Iingmane bad ki skul hapoh ka 15 sngi.
