Nongpoh, Rymphang 16: Ka Seng Samla Shnong Umlyngkdait kala pynhap pyrda noh ia ka jingrakhe dap 25 snem ha ka sngi Balang ha ka rukom kaba shongkun bha.
Ia kane kajingrakhe la pyhap pyrda da u MDC ka Nongpoh Constituency Bah Balajied Ranee ha ka jingiadonlang u Bah NS Makdoh, Rangbah Shnong Umlyngkdait, samla Bawan Marwein President ka Seng Samla, ki Longkmie bad kiwei kiwei.
Haba ai jingkren u Bah Balajied Ranee, MDC ka Nongpoh u la ong ba ki Seng Samla ki don ka bynta ka ba khraw bha ban tei ïaka shnong ka thaw bad ka imlang ka sahlang .
Ula ong ba ha ka jinglong Samla, dei ban don barabor iaka dur phuh samrkhie haba trei haka imlang ka sahlang bad ym dei ban klet ïaka burom ka akor ban ïoh ïaka jingshaniah haba bynrap “U Samla uba duh ïaka jingshaniah haka jinglong Samla un sa long ruh u Rangbah u ban duh ïaka jingshaniah haka jinglong Rangbah jong u”.
La sam ruh ia ki khusnam bad ki jingai sngewbha sha ki samla kiba la ioh khur ia ki namjop ha ki jingiakop bapher bapher ba la pynlong da ka Seng Samla Shnong Umlyngkdait.
