Shillong, Rymphang 5: Ka United Democratic Party (UDP) kala pynpaw iaka jingskhem jngmut ba ka Regional Democratic Alliance (RDA) kan jop iaka elekshon MP Lok Sabha na Shillong Parliamentary Constituency.
“Namar ba Ar tylli ki seng saiñ pyrthei kiba heh kila ia wanlang ha kawei ka kynhun bad kumjuh ha ka por ba ka jingangnud ba ki seng riewlum kin dei kiba shah phaikhmat bha ha ka elekshon Lok Sabha, ngi don iaka jingkyrmen kaba skhem ba u kyrtong jong ngi (RDA) yn jop ia ka elekshon” ong u Working President ka UDP u Bah Paul Lyngdoh haba iakren bad ki nongthoh khubor.
Ka RDA kaba dei ka kynhun jong ka seng UDP bad HSPDP kan pynieng da u President barim ka HYC u Bah Robertjune Kharjahrin na ka seng UDP na ka Shillong constituency.
Ha kaba iadei bad ka jingpynkhreh ia ka elekshon, u Bah Paul ula ong ba ka seng kala dep ban iaid shakhmat ha ka lynti kaba dei.
“La pynlong ia ki jingialang jong kiba bun ki komiti ha ki constituency bapher bapher bad u kyrtong ula leit sha kylleng ki jaka. Ula dep ban wan sha West Khasi Hills ha kine ki shi taiew kiba la dep bad ngi ngeit skhem ba ngin lah ban pyndep ba yn iashimbynta ha ki jingialang bapher bapher ha ka por kaba la buh da ka Election Commission,” ula ong.
Ula pyntip ba ia kimat ki bapher bapher la dep ban pynbna paidbah da u kyrtong ha ka por ba lapynbna ia u kum u kyrtong ban iakhun ia ka elekshon MP Lok Sabha.
“Ki mat ki long kiba kongsan bha bad ngi long kiba bhabok ba ngi la lah ban jied ia ki mat kiba kongsan bad kiba biang bad kiba iahap bha ha ka Lok Sabha,” ula ong.
 kala pynpaw iaka jingskhem jngmut ba ka Regional Democratic Alliance (RDA) kan jop iaka elekshon MP Lok Sabha na Shillong Parliamentary Constituency.){kind=link}