Shillong, Feb 5, 2024: U Nongialam ka Liang Pyrshah ka Iingdorbar Thaw Ain ka Jylla Bah Ronnie V Lyngdoh, hynne ka sngi Nyngkong, ula pynpaw ba u iasnohkti lang ha ka jingpyndonkam ia ka National eVidhan Application (NeVA) ban pynlong ia ka Dorbar jong ka Iingdorbar Thaw Ain, kaba lait na ka jingpyndonkam ia ki kot ki sla.
U Nongialam ka Liang Pyrshah ula ioh ia ka jinghikai hynne ka sngi ban pyndonkam ia ka NeVA da ki Ophisar n aka IT Cell ka Meghalaya Legislative Assembly Secretariat kaba long ha Conference Hall jong ka Administrative Block ka Meghalaya Assembly ha Khyndailad, Police Bazaar.
U Bah Ronnie ula pynpaw ia ka jingai khublei ia u Lamphang ka Iingdorbar Thaw Ain, Thomas A Sangma bad ki Ophisar jong ka Assembly Secretariat halor ka jingshimkhia ban pyntreikam ia ka National eVidhan Application. Ula ban jur ba kane ka sienjam kan shim ia ka bynta kaba don jingmut bha ha kaban iada ia ka mariang.
Une u MLA ka Congress na Mylliem, ula kdew ruh ia ka jingtreikam bha jong ka Application namar ka dei ruh kaba lah ban pyndonkam ha kaban phah ia ki jingkylli bad ki notice.
Lah ban kdew ba kane ka Application ka don ia ka page ba la shna kyrpang tang na ka bynta uwei pa uwei u dkhot jong ka Iingdorbar ba kin phah ia ki jingkylli bad ki notice.
 ban pynlong ia ka Dorbar jong ka Iingdorbar Thaw Ain, kaba lait na ka jingpyndonkam ia ki kot ki sla.){kind=link}