Shillong, Kyllalyngkot 28: U Raj Biswa ka Meghalaya hynne ka sngi u Blei, ula ioh ia ka Century ne ban kamai palat 100 run haka jingiakhun pyrshah iaka Mizoram ha ka Ranji Trophy kaba la long ha Anand, Gujarat hynrei ka Mizoram kala tam ia ka Meghalaya da 325 run.
U Raj Biswa uba la bteng ban tied biang hynne ka sngi ha kaba ula kamai 125 run bad ym shim la out, katba kiwei kiwei ki nongtied kiba la wan ai jingkyrshan ia u kim shym la lah ban neh slem lait noh tang u Ram Gurung uba la kamai 35 run bad ka Meghalay kala kamai 281 run bad hap lut ki nongtied katba ka Mizoram kaba la tied nyngkong kala kamai 359 run bad hap lut ki nongtied.
Ka Mizoram kala bteng ban tied biang hynne ka sngi ha ka sien ka baar ha kaba kala kamai 237 bad hap 9 wiket bad ka Mizoram kala tam da 315 run ia ka Meghalaya.
U Agni Chopra ka Mizoram ula ioh ban kamai iaka Century ka baar ha ka jingiakhun bad hynne ka sngi ula ioh 101 run.
U nongkawang bol ka Meghalaya u Akash Kumar Choudhary ula ioh shim 4 wiket hynne ka nsgi bad ha ka jingleitkawang bol ha ka sien kaba nyngkong ruh u Akash ula ioh khur 4 wiket.
Katba u Lerry Sangma bad u Swarajeet Das kila shim mar 2 wiket.
