Shillong, Kyllalyngkot 19: Ka Meghalaya kala tam da 124 run ia ka Nagaland haka jingiakhun ha ka Ranji Trophy kaba la long hynne ka Sngi Thohdieng ha MCA Ground bad u Akash Kumar Choudhary ka Meghalaya ula shim haduh 7 wiket bad ai tang 40 run.
U Akash ym shim la ioh ban ialehkai baroh shi katta namar bay m don ha kamet kaba koit ba khiah hynrei haba ula wanphai ban iakhun pyrshah iaka Nagaland ula shim 7 wiket hynne ka sngi sdang jong ka jingiakhun bad kane kala pynlong ia ka Nagaland ban kamai tang 72 run.
Ka Meghalaya haba kala leit ban tied kala kamai 196 run bad hap 7 wiket bad kala tam da 124 run iaka Nagaland.
Mar ia sdang u nongkawang bol ka Meghalaya u Swarajeet Das ula shim 1 wiket bad hadien kane u Akash ula shim 2 wiket bad ki nongialehkai ka Meghalaya kila mad ruh iaka khep ba kila kum lait ban kem ia ka bol ha kaba kinongtied ka Nagaland kila lait na kaban Out.
Ka Nagaland kala shem jingeh ia ki nongkawang bol ka Meghalaya ha kaba kala kamai 41 run bad hap 8 wiket hynrei hadien kane kala don ka jingneh slem jong ki nongtied ka Nagaland ha kaba kila ioh ban kamai 25 run.
U Kapten ka Meghalaya u Kishan Lyngdoh ula wanrah ia u nongkawang spin u Arbin Singh ha kaba ula ioh shim 1 wiket mar ia kawang ia ka bol kaba nyngkong katba u Dippu Sangma ula ioh pynhap noh ia Nagaho uba la kamai 19 run bad u nongtied uba la kamai bun run tam ia ka Nagaland.
Haba ki nongtied ka Meghalaya kila leit ban tied, ki nongialehkai ka Nagaland kila ioh ban pynhap kloi ia ki 4 ngut ki nongtied ka Meghalaya bad kamai tang 61 run, hynrei haba u Swarajeet ula mih ban tied bad ula kyrshan ia u Kishan haduh ban da ia kamai lang haduh 92 run.
U Kishan ula bteng ban ioh iaka Half Century da kaba kamai 58 run, katba u Swarajeet ruh ula ioh ia ka HalfCentury da kaba kamai 63 run.
