Shillong, Kyllalyngkot 11: U Superintendent of Police ka East Khasi Hills ula pyntip ba kan don ka jingpyrkhing iaka jingiaid ki kali ha ka 16 tarik u Kyllalyngkot ha ki thain Upper Shillong bad Shillong namar ka jingwan jongka President ka ri ka Draupadi Murmu.
U SP ula ong, ba ka President kan wan iuhkjat ha nongbah Shillong bad leit jngoh iaka Law Kyntang ha Mawphlang, kumta kan don ka jingpynsangeh iaid ia ki kali ha ka por ba ka President ka Ri ka dang iaid ha kylleng ki bynta jong ka surok kiba don haka nongbah Shillong.
Ula kyntu ia ki paidbah ba lada ym donkam ki dei ban kiar na ka jingleit sha Mawngap bad ha kylleng ki bynta ka nongbah Shillong.
U SP ula pyntip ba yn pynsangeh shiteng kynta iaka jingiaid ki kali hashwa ban wan poi ka President ha ka 16 tarik u Kyllalyngkot ha kylleng ki jaka, hynrei yn shah tang ia ki kali kit nongpang ne Emergency Services ban iaid.
