Shillong, Kyllalyngkot 10: U Myntri ka pule puthi ka jylla u Rakkam Sangma uba long ruh u Nongialam ka seng National People’s Party (NPP), hynne ka sngi ula ong, ba ka seng Congress kadei ka ‘History’ bad ki paidbah ki kwah ia ka lawei bad ka mynta bad kim kwah ban vote iaka histori.
Kane ka jingkren u Myntri bad MLA ka NPP kala mih hadien ba u nongialam ka Congress u Bah Vincent Pala ha ka sngi Baar, ula ong ba ka sorkar pdeng hapoh ka jingialam ka seng Congress kala theh bun shah ia ki kam pynropi ha ka jylla bad ka party kala donbynta ha kaban wanrah iaka NEHU, IIM Shillong, NIFT Shillong bad kiwei kiwei ki projek kam pynroi hapoh ka jylla.
U Rakkam Sangma haba iakren bad ki nongthoh khubor, ula ong, kaei kaba ka Congress kala leh kadei kaba la dep mynshwa, mynta kala don tang haka histori bad yn buh ia katei tang ha ki kot.
“To ngin ia buh ia kitei tang ha ki kot. Ki paidbah kim ju vote iaka histori, ki kwah ia ka lawei bad ia ka mynta”, ong u Rakkam.
Ula ong, ba ki paidbah khamtam ki samla kidei ban jied ia ka seng kaba kumno kin jied, ka seng aiu kaba lah ban trei bha bad ka seng kaba kumno kaba lah ban thaw ia ki lad aikam aijam.
“Ki don ki khep ba kaei kaba don tang ha ki kot ki slay n ym lah ban pynshisha iaka jinglarakm” ong u Rakkam ia ka seng bad ki nongialam ka Congress.
Ki paidbah kim ju iakren shaphang kine kiei kiei baroh bad kaei kaba la jia mynshwa kan sah beit kum ka mynshwa.
“Kaei kaba u leh, kaei kaba ula leh ha ki por mynshwa. Ki nongthep vote mynta ki rai ia ka jingdonkam jong kane ka por kaba mynta” la ong u Rakkam.
