Guwahati, K’lyngkot 09 : Ki Pulit ka Assam kila ioh ban kem ia 4 ngut ki nongkhaii drok bad ioh kurup ia u drok heroin lem bad u dawai kuli yaba, kiba shongdor kumba T.100 klur.
Ia kine ki briew la ioh kem ha ka jingiakhynra lang hapdeng ki Pulit STF bad Karimganj hynne ka sngi Ba-ar bala ialam hi Ia da u DIG Parthasarathi Mahanta bad u SP Partha Protim Das ha Karimganj.
Ia kine ki briew ba ioh kem la tip kyrteng da u Nur Ahmed, Zosangliani, Ramngheaka, bad Lalchamliana bad la ioh kem ia ki na kawei ka Maruti S Presso kaba don u nombor MZ06-A-1422.
U droks bala ioh kurup u don haduh 5.1 kilo u heroin bad 64000 tylli ki dawai kuli yaba.
“Kane lehse ka dei ka jingkurup droks ba heh duh ha ka thain lam mihngi ka Ri haba peit ia ka dor jong ka mar ha iew. Ka jingkurup kala kot ia ka T.100 klur” ong ki Heh Pulit.
