Pynkhreh shaid shaid ka MSOA ia ka 5th Meghalaya Games 2024 ba kan shongkun bha

Date:

Share post:

Shillong, K’lyngkot 08 : Ka Meghalaya State Olympics Association (MSOA) kala pynkhreh shaid shaid ia ki jingdonkam baroh ban pynthikna b aka 5th Meghalaya Games 2024, kaba sah satang shitaiew ban sdang, kan long kaba shongkun bad iaid beit iaid ryntih.

Ka GTCC kala pynlong ia ka jingialang ba kongsan ha ka 5 tarik Kyllalyngkot ha Ophis ka MSOA, JN Stadium, Polo ban iatai ia ki jnit ki jnat ba donkam ha ka jingpynkhreh ia kane ka lympung ialehkai ha Tura, West Garo Hills.

Ia kane ka jingialang la pyniaid da u Working President ka MSOA Bah JF Kharshiing ha ka jingiadonlang u General Secetary Bah Finely L Pariat bad kiwei kiwei ki Heh ka MSOA nalor u Chef de Mission, Asst Chef de Mission, President bad Secretaries, Competition Managers, jong ki State Sports Associations.

Ha kane ka jingialang la iashimbynta online da ki heh ka MSOA bad CDM na Ri-lum Garo, ha kaba kila iakren ia shibun ki kam ba iadei bad ki nongialehkai, ka leit ka wan, ki jaka sah, ki jaka ialehkai, FOP, ka Opening bad Closing Ceremony bad kiwei kiwei.

Kane kan dei ka sien kaba lai ha ki 4 snem ba la pynlong ia ka Meghalaya Games ha Jylla bad kan dei ka sien kaba nyngkong bala pynlong ha Ri-lum Garo.

Ha kane ka kynti, ka lympung kan sakhi ia ka jingiashimbynta haduh 3000 ngut ki nongialehkai na kylleng ki District bad kiba mihkhmat ban iakhun ha ki jingialehkai bapher bapher.

Lah ban kdew ba 1st Meghalaya Games ka dei kaba pynlong ha u snem 2001 bad ka 2nd ha u snem 2004. Ka 3rd Meghalaya Games kala khie im biang ha u snem 2020 hadien 16 snem ia kaba la pynbud da ka 4th Meghalaya Games ha u snem 2022.

Kane ka lympung ialehkai kan sdang da ka Torch Relay ceremony ka ban sdang na Shillong ha ka 9 tarik Kyllalyngkot bad kan kut ha Tura. Kane ka Torch kan iaid sha Jowai, Mairang, Nongstoin bad Williamnagar hashuwa ban pynpoi ha Tura ha ka 15 tarik Kyllalyngkot, 2024.

Share post:

spot_img

Popular

More like this
Related

Palat 5.2 lak ki Longiing ha Nongkyndong kila ioh kor um iing na ka JJM

Shillong, Rymphang 28 : Palat 5.2 tylli ki Longiing...

Kut jingmut ka Sorkar ban thungkam pyndap lut ha baroh ki Tnad ba laitkam

Shillong, Rymphang 28 : Ka Sorkar Jylla kala pyntip...

La plie palat 8.5 lak ka Pradhan Mantri Jan Dhan Yojana Account ha Jylla

Shillong, Rymphang 28 : Palat 8.5 lak tylli ki...

Pyllait ka Sorkar Pdeng haduh T.27 klur sha ki ADC ban pyntrei kam pynroi

Shillong, Rymphang 28 : Ka Sorkar Pdeng kala pyllait...