Shillong, Risaw 06 : U Myntri Rangbah Conrad K Sangma ha ka sngi Ba-ar ula pynbna ba ka Sorkar jong u, kala rai ban thung ia ka Sixth Pay Commission.
U Conrad u iathuh ba ki kam kila sdang iaid bad ia ka jingpynbna yn sa pynmih noh hapoh ka shitaiew lane artaiew.
“Ngi kmen ban pyntip sha baroh ba ngi la rai ba yn sa thung ia ka Sixth Pay Commission Committee, ki kam kila iaid mynta” ula ong ha ka kyrwoh lyngba ki video.
U Myntri Rangbah ula pyntip ba ia u Chairman bad ki dkhot jong ka Committee yn sa pynbna shen.
“Nga khmih lynti ba hapoh ka shitaiew lane artaiew duh, ngi dei ban lah ha kaban pynbna ia u Chairman jong ka Committee bad kumjuh ruh ki dkhot. Ngi la dep iashong iakren bad ka sah satang ki kam ban pyndep” ula ong.
“Shen kumba nga ong, lehse ha ka shitaiew lane artaiew, ka jingpynbna jong ka Commission kan sa mih” ula bynrap.
