Shillong, Nohprah 28: U Myntri Rangbah ka Jylla Conrad K Sangma ula pynthnem ia ka jylli Internet da ka video ba pyni ba u dang tem ia kawei na ki jingrwai ba pawnam ka kynhun tem ka Ri Bilat ‘Iron Maiden’.
U Myntri Rangbah ula thep ia kane ka video ha ki rynsan Social Media kynthup ka Facebook bad ka Instagram. Kane ka video ka pyni biang ia ka jingtbit jong u ha ka tem guitar khlem ka jingiaid lait ia ki chords.
Une u Nongialam uba lah ban pyniapbiej da ki sap ba u don, ula jied ia ka jingrwai ba pawnam ka Iron Maiden ban pyni ia ka sap tem kaba tbit. Ka video u Conrad kala khring ia kiba bun ban hap khmih, kaba pyni ruh ia ka sap ba u don shabar jong ka jylli kam sain pyrthei.
Haba pynsaphriang ia kane ka video ha ka rynsan social media, u Myntri Rangbah ula ong “ Sa kawei pat ka miet iatem…Iron Maiden kane…”.
Kane ka jingtem jong u Conrad kaba la thep ha Instagram, kala paw pyrthei sted bha bad ioh haduh 14.7 k ki likes bad palat 1500 ngut kiba la nang pynsaphriang ia ka.
View this post on Instagram
Lah ban kdew ba kane kam dei ka sien kaba nyngkong ba ki post jong u (Conrad) ha ki rynsan Social Media kala pyniapbiej ia ki paidbah, kaba pyni ia ka jingieid jong u ia ka put ka tem bad ban kit ryngkat ryngkat ia ka lyngkor ba khia ha ka jylli sain pyrthei.
View this post on Instagram
Ha ka 17 tarik Nohprah, ula thep ia kawei pat ka video ha social media ba pyni ba u dang iatem bad ka kynhun Colour. Haba pynsaphriang ia ka video u Myntri Rangbah ula ong “Ka jingiatem lang bad ka kynhun colour, kawei na ki kynhun tem bat bit duh ba nga iatem lang”.
