Shillong, Nohprah 22 : Ka BJP Mahila Morcha hynne ka sngi Thohdieng, kala pynlehkmen Khristmas iaki Khynnah jong ka jaka ri Khunswet Gods Dream Home kaba don ha Pynthorumkhrah ban pynrhem mynsiem ha kaban pdiang ia ka jingwan long briew u Jisu Khrist.
Ha kane ka jingrakhe la iadonlang u Myntri Sorkar Bah AL Hek bad u Nongaitien ka BJP bad MH Kharkrang lem bad ka President ka Mahila Morcha Kong Sukhi Pariat.
La pynshongkun ia kane ka jingrakhe da ka jingduwai kyrpang na u Pastor Crosslin Marbaniang bad ka jingai sngewbha ia ki Khynnah nalor ka jingiashad kmen bad kiwei kiwei.
