Shillong, Nohprah 22: U Sub Divisional Magistrate ka Sohra Civil Sub Division ula pynjari ia ka kyndon 144 CrPC ba khang pyrshah iaki kali ba kit palat 9 Metric Tonne (MT) ban iaid na surok Mawmluh-Mawlong lyngba ka Mawshamok.
Ka hukum ka kdew ba ia kane la pynmih namar la shem ba ka bynta jong ka surok Mawshamok kala sniew namar ka jingiaid ki Trok bad ki kali ba kit palat pud.
La pyntip ba la pynjari ia ka kyndon 144 CrPC ban iada ia kane ka surok na ka jingnang jot bad sniew.
Ka hukum ka kdew ba kane ka hukum kan treikam naduh ka 23 tarik mynta u bnai tad haduh ban da pynbna da kumwei pat bad kino kino kiba pynkhien iaka hukum kin shah pyn shitom katkum kyndon jong ka IPC.
