Iakynduh lang ki samla pule ka St Paul Marbisu ban pynkhreh ia ka jingrakhe dap 75 snem

Date:

Share post:

Shillong, Nohprah 15: Ka St Paul Higher Secondary School, Marbisu hynne ka sngi Thohdieng, kala pynlong iaka Annual Get Together jong ki khynnah skul kiba rim bad kiba mynta bad ha ka juh ka por ban pynkhreh iaka jingrakhe ia ka jingdap 75 snem jong kane ka skul.

Ia kane ka jingrakhe la wan ban plie da u Symbud Myntri Rangbah ka jylla u Bah Prestone Tynsong kum u kongsan ha kaba la iadonlang u Chief Executive Member ka KHADC u Bah Pyniaid Sing Syiem, u MLA ka Mawphlang u Bah MB Kurbah, u Chairman ka KHADC u Bah Lamphrang Blah, u Principal ka St Paul u Fr Jemeris Shylla, ki khynnah skul kiba rim bad kiba mynta bad kiwei kiwei.

U Bah Prestone Tynsong haba ai jingkren ula ong ba kane ka skul St Paul Marbisu kala iaryngkat kyrdan bad ki skul kiba don ha ka nongbah Shillong bad ia kane la sakhi lyngba ka jingwan shakhmat kawei ka khynnah na kane ka skul ha ka eksam Matrik kaba la dep.

Ula kyntu ia ki khynnah skul ba kidei ban minit thop bad ban trei shitom ban wan shakhmat haka jingpule ka jongki bad ula kyntu ruh ia ki kmie ki kpa ba kidei ban donlang ia ka jingkitkhlieh ha kaban pynnang pynstad iala ki khun khamtam haba ka jingnang jingstad ka long kaba kordor bha ha kane ka juk kaba mynta.

Ha kaba iadei bad ka jingai dorkhas ki bor pyniaid jong ka skul na ka bynta ban sdang ia ka Science Stream na ka bynta ka klas XI bad XII, u Bah Prestone ula pynbna ba ka sorkar jylla kan ai jingkyrshan da kaba aiarap T.20 Lak ia ka Skul ban sdang ia ka Science Stream khnang ba kan long ka jingmyntoi ia ki khynnah pule kane ka thaiñ baroh kawei.

Na ka liang u CEM ka KHADC ula pynbna ban noh synniang T.20 Lak tyngka katba u MLA ka Mawphlang ula pynbna ban ai 5 lak tyngka.

Ka jingthmu jong kane ka prokram ka long ban lum bad ban pyniakynduh lang ia baroh ki khynnah skul kiba rim bad kiba dang pule mynta ba kin iathuh iwei ia iwei bad kum shi bynta ban pynkhreh ban rakhe ia ka jingdap 75 snem jongka skul.

Share post:

spot_img

Popular

More like this
Related

Lap ka CAG ba pyndonkam bakla ka KHADC ia ka song pisa ba ai ka Sorkar Pdeng

Shillong, Kyllalyngkot 06: Ka Khasi Hills Autonomous District Council...

Mih noh u MDC ka Mawlai na ka NPP | Iehnoh kam kum u EM bad weng ialade na ka EC ka KHADC

Shillong, K’lyngkot 06 : U MDC ka Mawlai Bah...

KHADC faces allegations of ‘Delayed Deposit’ of ₹32 lakhs, CAG calls for accountability

Shillong, Jan 6: The Khasi Hills Autonomous District Council...

CAG calls for cancellation of 82 appointments in KHADC over recruitment policy violations

Shillong , Jan 6: The Khasi Hills Autonomous District...