Nongpoh, Nohprah 11: Kawei ka kynhun ki snar nonglute ki la phrong jubor ha kawei ka kudam buh sikret jong ka kompani Madan Mohan Obhrai & Co WSP jong ka ITC Limited ha 15 Mer, Byrnihat, bad rong tuh haduh spah tylli ki packet sikret hadien ba ki la teh la khum ia ki 3 ngut ki nongap pahara jong katei ka kompani.
Katkum ka khubor pulit, la iathuh, ba kane ka kynhun ki snar nonglute kiba don kumba 10 ngut eiei kiba la tap dur bha, ki la phrong tuh ha katei ka kudan ha ka por 1 baje eiei shiteng synnia da kaba pyndonkam da kawei ka kynja jingkieng ban ioh rung sha katei ka jaka buh sikret.
La iathuh ruh, ba kine ki snar nonglute hadien ba ki la ioh ban rung shapoh, ki la bat bad teh ia ki 3 ngut ki nongap pahara jong katei ka kompani da ka jain kamcha bad ki la pynkynriah ruh wat ia ki CCTV camera kiba la buh hapoh kane ka kudam ban lait n aka jingshah ring dur.
La iathuh ba hadien kane, kane ka kynhun kala rong tuh haduh 255 ki cartoon sikret kiba la buh hapoh katei ka kudam bad ruh ia ki tiar jong ka CCTV ba kynthup ia ki camera, ka Router, ka DVR bad ka CPU.
Ki pulit ka Byrnihat Police Outpost, ki la register case halor kane ka jingjia bad ka jingtohkit mynta kala iaid shakhmat ban lapdien ia kine ki nongtuh.
Pule lang ia kane: Khot u Himanta ia u PM ban wan plie ia ki project ba kongsan ha Assam
Peit lang ia kane
