Shillong, Nohprah 08 : Ka Iingkashari Special Judge (POCSO) ka East Khasi Hills, kala hukum ban set phatok haduh 20 snem ia uwei u runar uba leh beijot ia kawei ka Khynnah 15 snem arsnem mynshuwa hapoh ka thain Mawlai.
Une u runar u kyrteng u Dresstar Kurbah uba la leh ia kane ka kam bymman ha u bnai Jylliew 2021. Ki Pulit ka Mawlai kila kem ia une u briew bad la pynngat ia u hapoh ka kyndon 5 (j)(ii)/6 jong ka POCSO Act.
Ia kane ka kam bymman la tohkit da ka Women Police Sub Inspector Lavinia S Khongwang kaba la aiti ia ka chargesheet ha ka 12 tarik Kyllalyngkot 2022.
Ka Iingkashari haba bishar ia kane ka case, kala shem ia ka jingdonkti u Dresstar ha kane ka kam bymman bad ha ka 6 tarik Nohprah 2023, kala hukum ban pynsajia ia u da kaba set phatok haduh 20 snem kynthih lem bad ka kuna ba T. 10,000.
Pule lang ia kane: “Ka jingstad kam shong ha ki Iingskul, ka shong ha jingtrei shitom u Khynnah bad Nonghikai” : Rakkam
Peit lang ia kane
