Shillong, Nohprah 04: Ka Zoram People’s Movement (ZPM) kala nang ioh jingkyrmen ban ioh thaw ia ka Sorkar ha Mizoram da ka jingtam bunshah ia ka Mizo National Front (MNF) ba ialam da u Myntri Rangbah ka Jylla Zoramthanga.
Kat kum ka jingpyntip ka ECI, ka ZPM mynta kala jop haduh 11 tylli ki constituency bad ka dang tam shakhmat haduh 16 tylli ki constituency.
U Nongialam ka MNF bad Myntri Rangbah ka Mizoram Zoramthanga ula shah rem ha Aizawl East-I ha u kyrtong ka ZPM Lalthansanga.
Kumjuh ruh u Symbud Myntri Rangbah ka Jylla Tawnluia ula shah rem ha u kyrtong ka ZPM W Chhuamawma na Tuichang Seat da 909 vote.
Nalor kine, u Myntri ka Koit ka Khiah R Lalthangliana ula shah tam ha South Tuipui seat bad u kyrtong ka ZPM Jeje Lalpekhlua ula tam shakhmat ha ka jingioh vote.
Ka MNF ka dang jop tang 1 seat haduh mynta bad ka dang tam ha ki 9 tylli ki seat. Ka BJP kala jop 1 bad tam 1 katba ka Congress ka dang tam tang ha kawei ka constituency.
 kala nang ioh jingkyrmen ban ioh thaw ia ka Sorkar ha Mizoram da ka jingtam bunshah ia ka Mizo National Front (MNF) ba ialam da u Myntri Rangbah ka Jylla Zoramthanga.){kind=link}