Imphal, Naiwieng 27 : U Myntri Rangbah ka Manipur N Biren Singh ha ka sngi U Blei ula pyntip ba ka Sorkar jong u, kala shong iakren iasuk mynta bad ka kynhun kaikhlaw kaba treikam ha Imphal Valley.
Haba iakren bad ki nongthoh khubor, u Biren Singh ula ong ba ka jingiakren ka dei kaba dang shu sdang haba kiar ban ithuh ia ka kyrteng jong kane ka kynhun kaikhlaw. Kane ka dei ka sien ba nyngkong ba kala don ka jingpyntip n aka Sorkar halor ka jingdon ka jingiakren naduh ba khie ka thma iapher Jaidbynriew ha ka 3 tarik Jymmang 2023.
#WATCH | Imphal: Manipur CM N Biren Singh says, "We are advancing and we are expecting to sign a peace accord with one big UG (underground organisation) very shortly." pic.twitter.com/YO0IYNAMj6
— ANI (@ANI) November 26, 2023
Ka khubor dang shen kala iathuh ba ka Sorkar Jylla kala iakren iasuk bad kawei na ki kynhun kiba iapait n aka United National Liberation Front (UNLF).
Naduh ba khie ka thma iapher Jaidbynriew ha Manipur, palat 180 ngut ki briew kila shah pyniap bad bun ngut kila jah rngai bad mynsaw.
Ha kane ka Jylla ba khie ia kam iaumsnam, haduh 53% ki dei na ka Jaidbynriew Meitei kiba im ba sah ha Imphal Valley katba ki paid riewlum ba kynthup ia ki Naga bad Kuki ki don haduh 40% bad bun ki dei kiba sah sha ki Hill District.
