Shillong, Naiwieng 22 : U Symbud Myntri Rangbah ka Jylla Bah Prestone Tynsong ha ka sngi Balang ula pyntip ba ka Sorkar Jylla kala dep thoh sha ka Central Bureau of Investigation (CBI) ba kan shimti ia ka jingtohkit halor ka jingshah siat iap ki paidbah ha Mukroh kaba la jia ha ka 22 tarik Naiwieng, 2022.
“Ngi la dep thoh ia ka shithi. Wat na ka Sorkar Assam ruh kala dep thoh. Mynta ka rai ka shong ha ka CBI” ong u Bah Prestone haba iakren bad ki nongthoh khubor.
Ha ka 30 tarik Nailur, ka jingialang iakren khappud hapdeng ki Myntri Rangbah ka Assam bad Meghalaya kila rai ban aiti ia ka jingtohkit ia ka jingjia Mukroh sha ka CBI.
Namar kane, kine ki ar Sorkar kila rai ban pynkut noh ia ka Judicial Commission bala thung ban tohkit ia kane ka jingjia.
Haduh hynriew ngut ki briew kynthup ia 5 ngut ki nongshongshnong ka Mukroh bad uwei u Pulit Forest ka Assam, kila iap ha ka jingther kuli ki Pulit ka Assam ha Mukroh, myn ha ka 22 tarik Naiwieng, 2022.
 ba kan shimti ia ka jingtohkit halor ka jingshah siat iap ki paidbah ha Mukroh kaba la jia ha ka 22 tarik Naiwieng, 2022.){kind=link}