Shillong, Naiwieng 22 : U Myntri Rangbah ka Jylla Conrad K Sangma ha ka sngi Balang, ula kyntu ban pynbeit noh ia ki jingbakla ba don ha ka khana pateng (history) jong ka thain Shatei Lam Mihngi bad pynjynsur ia ki Policy kiban pynsuk ia ka khaii ka pateng bad ki lad pyniasoh ia ka thain bad ki Ri kiba marjan.
U Myntri Rangbah ka Jylla ula kren ia kane haba plie ia ka United Nations economic and Social Commission for Asia and the Pacific (UNESCAP) Subregional Capacity Building Workshop for Bangladesh, Bhutan, India and Nepal (BBIN) Connectivity kaba long ha Taj Vivanta in Shillong.
Attended the inaugural function of the Bangladesh, Bhutan, India and Nepal (BBIN) Connectivity- Subregional Capacity Building Workshop organised by @UNESCAP and Government of Meghalaya.
The subject of connectivity for trade and commerce between Meghalaya and neighbouring… pic.twitter.com/B8hAb2KfkS
— Conrad K Sangma (@SangmaConrad) November 22, 2023
U Conrad ula ong ba ka jingpyniasoh ia ka thain Shatei Lam Mihngi ka Ri India sha ki Ri ka East Asia bad South East Asia, ka dei kawei na ki mat ba kongsan eh jong ka Sorkar.
“Ka Khana pateng ka pyni ba ka don shibun ki khaii pateg hapdeng kine ki thain shuwa ka jingioh laitluid bad ka don ruh shibun ka lad ha ka khaii pateng bad ka jingpyniasoh ha ka thain…nama kata ngi donkam ban pynbeit ia baroh ki jingbym biang bad jingleh bakla kiba la khanglad ia ka khaii pateng bad ki lad pyniasoh ba don mynshuwa” ula ong.
U Myntri Rangbah ula pyntip ruh ba ka thain Shatei Lam Mihngi, lad aka thain ka jam shakhmat ryngkat ryngkat, ka lah ban synniang shibun ia ka thong jong ka Ri ban pynkhlain ia ka ioh ka kot jong ka Ri.
Ula ban jur ruh ba ka Act East Policy kam dei ia kaban shu khein kyllum ia baroh haba bynrap “Nga la ju kren naduh kaba sdang ba ka Act East Policy ka dei ban iaid da ka Zone ne thain. Ngi donkam ban ithuh kat kum ki jingdonkam ki thain (zone) ban lah pyniaid shakhmat ia ka Act East Policy”.
U Conrad ula pynpaw ruh ba ka Sorkar Meghalaya ka kwah eh ban shim kabu ia ki lad ki lynti kiba don hangne ban pynkhlain bha ia ka khaii ka pateng. “Pynjynsur ia ki policy khnang ba ki paidbah kin nym mad jingeh ha kaba leh ia ki kam khaii, pyndonkam ia ki jingtei kiba don kum ki Integrated Check Post, jingbha ia ki surok ha khappud ki dei ki dei ki lad ki lynti kiba lah ban wanrah ia ka jingkylla” ula ong.
Ula ong ruh ba ki jingiakren iakhana hapdeng ki Ri kan iarap ha kaban lum jingtip bad pynbeit ia ki jingeh kiba don. “Nga kyrmen ba kane ka prokram ka dei tang ka jingsdang ban wanrah ia shibun ki jingkylla” ula pynkut.
Kiwei pat kiba la ai jingkren ki kynthup ia u Mikiko Tanaka Director South and Southwest Asia Sub-Regional Office bad kiwei kiwei ki kynrem ki lyndan.
