Guwahati, Naiwieng 20 : Ki samla pule ka NEHU kiba don ha ka shatri jong ka NEHUSU, kin mih iakhih paidbah mynta ka janmiet ban dawa weng kam ia uwei u Ophisar Nantu Das halor ka jingkynnoh ba u jrong kti khlem akor ia kawei ka Kynthei.
Ka NEHUSU kala rai ban pynlong da ka jingiashong kyllain myngor hakhmat ka Ophis ka Administration Block ha ka por 2:30 baje janmiet ban pynbor ia ki borkhmih ba kin weng noh mardor ia u Nantu Das na ka Ophis ba u bat.
Ka NEHUSU kala kyrpad ruh ia baroh ki samla pule ba kin iamih lang da ka jingiatylli bad ban iakhih pyrshah ia kine ki kam jah burom ba ktah ia ka longryngieng ki kynthei jong une u briew.
“To ngin pynpaw da kaba shai ba ngi kyntait ban shu sngap beit jar ia ki kam thombor ia ka longryngieng ki kynthei hapoh ka campus” kala pynpaw haba kyntu ban iapyni ia ki bor khmih ba kino kino ki jingpyrshang ban iada ia ki nongleh bymman kin mad ia ka jingiakhun ba pyrshah na ki samla pule.
