Shillong, Naiwieng 12: U Myntri Rangbah ka jylla u Conrad Sangma hynne ka Sngi U Blei ula ai khublei bad kitbok kit rwiang ia baroh ki paid Hindu bad ki nongshongshnong ka Jylla ha ka jingrakhe iaka Diwali.
Lyngba ka rynsan social media jong ka X, u Conrad ula ai khublei kyrpang ia baroh ha ka jingrakhe ia ka Diwali.
Ula phah ia ka kyrwoh kaba iahap bad ka jingrakhe iaka tamasa jong ka jingshai haba pynpaw ia ka jingkyrmen ban ioh ia ka jingim kaba dap da ka jingieid.
“To ai ba kane ka tamasa jong ka jingshai kan pynthaba iaka jingim da ka jingkyrmen bad kan pynshai ia ki iing ki sem da ka jingieid. Nga ai khublei ka Diwali kaba suk ba kmen ia phi baroh!,” la thoh u Conrad.
May the Festival of Lights brighten our lives with hope and light our homes with warmth and love. Wishing everyone a Happy #Diwali! pic.twitter.com/5lhgkusE0T
— Conrad K Sangma (@SangmaConrad) November 12, 2023
Ka lehniam Diwali kadei kaba kdew ia ka jingjop jong ka jingshai ia ka jingdum bad ka jingjop jong kaba bha pyrshah ia kaba sniew.
