Shillong, Naiwieng 06: U MP naka seng Congress u Bah Vincent H Pala hynne ka sngi ula plie paidbah iaka Kambel Shullai Eco-Friendly Crematorium jong ka Seiñraij Jowai kaba don ha Khliehriat Turiem, Khliehryrshi ha Jowai-Shillong Road.
Ia kane ka jaka thang briew lane ka Crematorium la shna lyngba ka jingbei pisa naka MP scheme.
Hashuwa kane la don ruh ka jingialang ba lyngkot bala pyniaid da u President ka Seiñraij Jowai u Bah Hercules Toi haka jingdon lang u Dolloi Elaka Jowai u Bah Puramon Kynjing, ki Waheh Chnong ka Khliehryrshi u Bah Kitbok Rymbai, ki nongkitkam ka Seiñraij Jowai bad ki baha ing jong ka Kong Rina Challam kaba la ai sngewbha iaka jaka.
U Bah Vincent ula iaroh iaka Seiñraij ha baroh kawei ka Rilum Jaiñtia Hills kaba iada iaka jingriew spah bad jinglong kyrpang ki jaitbynriew Pnar.
Ula ong ba ka jaka thang briew lane ka Crematorium ka long kaba donkam naka bynta ban lehniam khatduh iaki baieid bathoin.
Kiwei kiba don lang ha kane ka sngi ki kynthup u president barim ka Seiñraij Jowai u Bah OR Challam, u Bah W. Challam naka kur Challam kaba la ai iaka jaka, u Waheh Chnong ka Khliehtyrchi u Bah Kitbok Rymbai lem bad kiwei kiwei de.
