Shillong, Naiwieng 04 : Ka jingiakilan met lang hapdeng ki shipai ka India bad Malaysia bala tip kum ka ‘Harimau Shakti’ (2023) kala kut noh hynne ka sngi Saitjain ha ka Joint Training Node (JTN), Umroi Contonment, Shillong. Kane ka jingiakilan met ka dei kaba la pynlong da ka jingthmu ban pynkhlain ia ka jingiatreilang hapdeng ki shipai jong kine ki artylli ki Ri.
Kane ka jingkilan met kaba sdang naduh ka 23 tarik Risaw, ka dei ka jingkilan met kaba pher bha ha kaba baroh ki shipai na ki artylli ki Ri kila pyni ia ki sap ialeh bad ban long halor ia kiei kiei baroh haba sngewthuh ia ka jingkongsan ban nang bad tip ia ki buit ialeh ha man ki khep.
Kane ka jingkilan met kala ai ka lad ia kine ki shipai na baroh ar Ri ba kin ioh ia ki jinghikai ha ki rukom pynlong ia ki kam leit khynra haba ki ialeit lang hapoh ka kynhun jong ka United Nation.
Haduh 120 ngut ki shipai na ka 6th Battalion jong ka Rajpur Regiment ka Indian Army bad 5th Royal Battalion jong ka Malaysian Army, kila wan ban iashimbynta ha kane ka jingkilan met.
 kala kut noh hynne ka sngi Saitjain ha ka Joint Training Node (JTN), Umroi Contonment, Shillong. Kane ka jingiakilan met ka dei kaba la pynlong da ka jingthmu ban pynkhlain ia ka jingiatreilang hapdeng ki shipai jong kine ki artylli ki Ri.){kind=link}