-->

Soi kontrak ka Hyderabad FC ba lai snem ia u samla Garo

Date:

Share post:

Tura, Risaw 15 : Ka Hyderabad Football Club, kala soi kontrak ba lai snem bad u samla Garo ba dang 15 snem, ba un ialehkai na ka khun U-15 ha ki lympung bapher bapher.


Une u samla Garo u dei u Donkam M Marak uba ialehkai na ka Chandmary FC. Ula iasoi ia ka kontrak ba lai snem bad kane ka club bah eh bha jong ka Ri.

U Donkam ula rung sha ka Chandmary FC ha u snem 2021. U Trai bad Manager ka CFC ula iohi ia ka jingdon une u khynnah ia ka sap ialehkai kaba dang donkam shuh shuh ia ki jinghikai pyntbit ba un kiew shaphrang.

Une u samla un sa mih shen namar ula shah khot ban leit noh sha Hyderabad.

Haba iakren bad u nongai khubor,ka Nancy A Sangma kala ong “Ngam pat ju iohi ia ki khynnah/samla Garo ba kin ialehkai ha ka ISL, kumta la kyrmen ba shisien ka sngi kine ki khynnah ialehkai kin sa long ki jingsarong ka Jylla”.

U Donkam u dei uba na ka shnong Matalagre kaba don ha Okkapara bad u dei uba dang pule klasX ha Hawakhana Higher Secondary School, Tura.

Une u Khynnah u dei uba ioh rah ia ka Best Player Award ha ka U-14category jong ka Symon Soccer Tournament ha u snem 2022. Mynta u snem, ula mihkhmat ia ka Junior Team jong ka Meghalaya Football Association ha Odisha.

Share post:

-->
spot_img

Popular

More like this
Related

Hukum ka Iingkashari ban set phatok 6 snem ia u nongkhaii droks

Shillong, Naiwieng 18 :Hynniew snem hadien ka jingshah kem...

Ioh bat ka KSU ia 4 ngut ki Bangladeshi | Lap ba siew T.45,000 shi khlieh ia ki agent ban pynrung sha India

Shillong, Naiwieng 18 : Ka Khasi Students’ Union (KSU)-Mawryngkneng...

Iakynduh ka KSU ia ka KJDSTA | Bitar ba sngap mynthi ka Sorkar ia ki jingdawa ki Nonghikai

Shillong, Naiwieng 18 : Ka Khasi Students’ Union - Central...