Guwahati, Risaw 13: Hadien hynriew snem, ka Dulubi Bibi (50), kaba la shah khein kum ka poi wir na Bangladesh, kala shah kynthup kum ka nongshongshnong ba pura ka Ri India hadien ba pynshong nongrim na kiba bun ki sakhi satar.
Ha u snem 2017, ka Dulubi Bibi kala shah niew kum ka poi wir ha ka Foreigners Tribunal ka Silchar namar ba ia ka kyrteng jong ka la shem ba ka iasyriem bad bun ngut ki nongthep vote ka Assam.
Ka Dulubi kala pynpaw ia ka jingkmen hadien ba pynshisha ba ka dei ka nong India.
“Mynta ka sngi ka dei ka sngi ba kmen eh namar na la ioh long Nongshongshnong ka India hadien ba nga la shah khein kum ka nong Bangladesh. Ki Kmie Kpa tynmen jong nga ki dei ki nong India hynrei kumno la khein nong Bangladesh ia nga. La arsnem nga la shong ha Silchar Detention Centre” ong ka Dulubi.
Kala ong “Nga dei ka kynthei Muslim bad ki bahaiing nga ruh. Nga ju trei kum ka nongshet jingbam shuwa ba ngan poi sha along. Ngam thikna shuh la u kurim jong nga un dang pdiang ne em ia nga lane la kan dang ioh kam ne em ban trei. Hato ka Sorkar Jylla kan shim ia ka jingkitkhlieh halor kane ka jingpynjot ia ka jingim jong nga”.
Ka Dulubi kala lait jamin na Detention Centre ha u Iaiong 2020 hadien ka hukum jong ka Iingkashari Supreme Court ba ha u Jymmang 2023, kala mudui ia ka FT order ba 2017 jong ka Guwahati High Court.
Ia ka jinglong nong India ia ka la pynbna hi da kijuh ki dkhot kata u BK Talukdar uba la pynbha ba ka dei ka poiwir ha u snem 2017.
, kaba la shah khein kum ka poi wir na Bangladesh, kala shah kynthup kum ka nongshongshnong ba pura ka Ri India hadien ba pynshong nongrim na kiba bun ki sakhi satar.){kind=link}