Shillong, Risaw 09: Arngut ki nongshongshnong ka North Garo Hills, kila iap na ka jingshah kyrdem ha ki hati khlai hynnin ka miet Sngi U Blei ha ki thain khappud ka Goalpara District, Assam.
La iathuh ba kine ki arngut ki dang don ha lynti ban leit sha la iing ha Kardang (Khaldang) hynrei ha surok, kila iatakhuh ba ki hati khlaw kiba dang iaid lynt. Kane ka jingjia kala jia ha ka por 7 baje mynmiet hapdeng ka jingdum ka bneng.
Kat kum ka jingiathuh ki Pulit, kine ki arngut ki kynthup ia uwei u rang samla bad kawei ka Kynthei.
“Ngi ioh khubor ba don ka jingthombor ki hati bad jingiap arngut ki briew. Ka kynhun ki Pulit hapoh ka jingialam u OC kila leit wut wut sha katei ka jaka ban pynthikna. Kumjuh ruh ki kynhun na ka wildlife kila leit sha katei ka jaka” ong u Bruno A Sangma Superintendent of Police ka North Garo Hills.
Kane ka jaka ba jia kane ka jingjia ka dei ka lynti iaid jong ki hati khlaw ban jam na shiliang u pud ka Meghalaya sha Assam khamtameh ha ka por tlang ban leit wad bam.
