Shillong, Nailur 29 : Ka Voice of the People Party (VPP) ha ka sngi Thohdieng, kala pynrem ia ka rai jong ka Sorkar India ban pynlong ia ka jingiapynkhuid shnong ha ka Sngi U Blei bad kyntu ia baroh ki khun Khristan ba kin nym iashimbynta (boycott) ia kane ka prokram.
“ Kane ka rai jong ka Sorkar ka dei ka jingpyrshang ban niewpoh ia ka jingsngew jong ki riewngeit Khristan hapoh ka Ri” ong u General Secretary ka VPP Dr Ricky AJ Syngkon ha ka kyrwoh.
“Ka Party namar kata, ka kyntu ia baroh ki Khristan ha ka Jylla ba kin nym iashimbynta ha kane ka prokram bad ban kiar ialade na ka jingiashimbynta ha ka jingpynkhuid shnong ha kane ka sngi” ula bynrap.
Kat kum ka jingong jong u, kat kum ka dustur, ka jingpynkhuid shnong ka dei ban pynlong ha ka 2 tarik Risaw manla u snem kum shibynta ban burom ia ka sngikha jong u Kpa ka Ri u Mahatma Gandhi.
