Shillong, Nailur 29 : Uwei u samla 16 snem ula duh noh iala ka jingim ha ka sngi Thohdieng hadien ka jingshah pom ha u pyrthat katba u dang wan phai na skul ha shnong Mawten, South West Khasi Hills District.
Kat kum ka khubor Pulit, la iathuh ba une u samla 16 snem u kyrteng u Aiborlang Marwein uba pule klas 10 ha Mawten Secondary School.
La iathuh ba une u khynnah ula leit rieh slap ha trai jong uwei u dieng namar ka jingwan lap u slap katba u dang don ha lynti. Hynrei u pyrkhat ula pom ha kane ka por bad shim ia ka jingim une u samla lud.
Ki Pulit ka Mawkyrwat kila shimti noh ia ka met jong u Aiborlang ban leh ia ka post mortem.
