Shillong Nailur 23: Ka jingialehkai Cricket U-19 Boys Inter District Cricket Tournament kaba la pynlong da ka Meghalaya Cricket Association hynne ka sngi, kala shah pynthut noh ha u slap.
Ka jingialehkai ha Umbuda, Nongpoh, jongka Zone 1 Group A, hapdeng ka Shillong Cricket Association A pyrshah iaka Ri-Bhoi District Cricket Association la pynsangeh noh namar ka jingslap.
Ha ka jingialehkai ha ka Zone 2, ka North Garo Hills DCA kala kamai 90 Run bad hap 4 wiket ha ka 14 Over hynrei ka mariang kam shym la ailad ia kane ka jingiakhun ba kan iaid shakhmat.
U Rituraj ula ioh 24 run na ki 17 ball bad u Sillang R Marak ula ioh 21 run na ka 26 ball, u Silgar M Sangma ula ioh 2 wiket bad ai 24 run, u Chengsrang S Marak ula ioh 1 wiket bad ai 5 run katba u Salchang Sangma ula ioh 1 wiket bad ai 19 run.
Lashai ka sngi ka jingiakhun ha ka Zone 1’s Group A, SCA-B kan iakhun pyrshah iaka East Jaintia Hills DCA, katba ka East Garo Hills DCA kan iakhun pyrshah iaka Tura DCA ha ka Zone 2.
