Shillong, Nailur 21: Ka Meghalaya People United Front (MPUF) East Jaiñtia Hills hynne ka sngi Palei, kala rai ban kyrshan iaka Khasi Student Union (KSU) kaba la pynbna ban iakhih jaka 25 tarik mynta u bnai ha Khliehriat halor ka jingsniew palat ka surok bah NH6.
Kane ka seng haka jingialam u bah Kyrshan Blah kala ong ba ia kane ka rai la shim namar ka NHAI kam shimkhia halor ka jingjot rathai ka surokbah NH6 kaba dei ka nongkynti ban kyntiew iaka bha ka miat bad ka roi ka par hapoh East Jaiñtia District bad kiwei ki jylla ka thain shathei Lammihngi (North East).
Ula kyntu ruh ia u MLA ka Khliehrait constituency u bah Kyrmen Shylla ubadei ruh u myntri sorkar jylla ban leh eiei halor ka jingjot rathai ki surok hapoh ka District.
Nalor kane u bah Kyrshan ula kyntu ruh iaki paidbah nan iasnohkti lang ban iakhih halor kane ka jingjot rathai ki suorkbah tad haduh baka NHAI kan iohi iaki jingsniew ki surok.
