Shillong, Nailur 19 : Ka National Commission for Women (NCFW) kala bthah ia u Chief Secretary ka Jylla Bah Donald Phillips Wahlang ba un tuklar ia ka jingjia ha Pamphyrnai, Ksehkohlong, West Khasi Hills bad ban ai ia baroh ki jingiarap ba donkam ia ka Kmie jong I Khunlung ba khlad.
Ka National Commission kala pynpaw ia ka jingdonkam ban pynlong ia ki jingai jinghikai ia ki paidbah ka Jylla Meghalaya ba kumno kin leh ha kum kine ki khep da ka jingsngewthuh lem ia ka jingsngew jong kiwei.
Ha ka shithi bala phah da ka Chairperson Rekha Sharma sha u Chief Secretary, ka Commission kala pan ia ka kaiphod kaba bniah halor ki sienjam bala shim da ka Sorkar haba bthah ruh ban ai ia ki jingtip baroh sha ka Commission hapoh ka 7 sngi.
Kat kum kane ka shithi, ka Commission kala iohi ia ka khubor lyngba ki lad pathai khubor ba kane ka Longkmie kala hap ban kha ia I khunlung hapoh ka kali namar ka jingsahkut ha ka jingdheng kali ha lynti ban wan sha ka Hospital ha Shillong, kaba lam ruh sha ka jingiap noh I Khunlung ba kha.
Kala ong ba ine I Khunlung ila khlad hashuwa ba ki bahaiing hasem kin poi ha Mairang, kaba la pynlong ia ki bahaiing hasem ban kit noh ia ka Kmie sha Holy Cross Hospital, Mairang ban iada ia ka jingim jong ka.
Kane ka jingjia kala jia ha ka sngi Saitjain bala lah ha Pamphyrngai, Ksehkohlong, West Khasi Hills, ka jaka ba pynlong ia ka jingiakop khwai dohkha.
Ka kali ba kit ia kane ka Longkmie ba armet, kala sahkut da ki kynta ha kane ka jaka namar ka jingbym ai lynti iaid jong ki hajar ngut ki rawon bad ki paidbah kiba dang iamih napoh kane ka pung hadien bala kut ka por khwai.
Halor kane ka jingjia, ki bor pyniaid ka District kala pynjari mynta da ka kyndon 144 CrPC ha baroh ki pung dohkha kiba don marjan bad ka surok PWD.
 kala bthah ia u Chief Secretary ka Jylla Bah Donald Phillips Wahlang ba un tuklar ia ka jingjia ha Pamphyrnai, Ksehkohlong, West Khasi Hills bad ban ai ia baroh ki jingiarap ba donkam ia ka Kmie jong I Khunlung ba khlad.){kind=link}