Shillong, Nailur 11: Ka Office jong ka District Mental Health Programme, East Khasi Hills hynne ka sngi Nyngkong, kala rakhe iaka “World Suicide Prevention Day” halor ka phang “Thaw iaka jingkyrmen lyngba ki Kam” ha Soso Tham Auditorium, Shillong.
U Dr. Pakha Tesia, President jong ka Indian Psychiatrist Society haba ai jingkren kum u kongsan ha ka jingialang, ula banjur iaka bor jong ka jingiatreilang na ka bynta ban tehlakam iaka jingpyrshang jong kito kiba thmu ban pyndkut noh iaka jingim jongki bad ka lynti kaba biang tam ka long ban pynlong ia ki jingspynsngewthuh paidbah ha ka imlang sahlang, ka jingthaw iaka rukom treikam ne ka Network hapdeng ki samla pule bad ha ka imlang sahlang baroh kawei.
Ula banjur ia ka jingdonkam ban shim ia ka jingiarap bad jingkyrshan na ki riewstad ha ka Mental Health ne kiba don jingktah ka bor pyrkhat pyrdaiñ ban buh ia ka Helpline ban ai jingkyrshan bad ban btin lynti ban pyniasoh bad ki bor kiba dei khmih.
Ha katei ka prokram la ioh iaka jingbatai kaba bniah halor ka World Suicide Prevention Day na i Dr. B Sohkhlet, Consultant Psychiatrist jongka District Mental Health Programme, East Khasi Hills.
U Kongsan ula sam ruh ia ki khusnam sha ki nongjop ha ka jingiakob ak drama lyngkot.
Kum ban shu kdew, man la u snem ha ka 10 tarik u Nailur la rakhe ia ka Suicide Prevention Day da ka jingthmu ban pynduna iaki jingjia jong ka jingbthat jubor iala ka jingim bad ban pynsaphriang bad ban ai jingpynshai bad jingpynsngewthuh sha ka imlang sahlang ia ka jingkordor ban shim ia ki lad jingiada.
Pule lang ia kane: Pyninam ia ki jain ryndia ha ka G20 International Craft Bazaar
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
