Shillong, Nailur 08: Ka ICFAI University Meghalaya, Tura Campus, haka sien ba nyngkong kala pynlong iaka Alumni Meet 2023 kum shi bynta ban wanrah ka jingiajan bad ki samla pule barim ban wanrah ia ka jingkylla haka imlang sahlang.
Ka phang pdeng jong ka Alumni Meet 2023 ka long ‘Alumni Connect: Ignite the Flame’ haka ba palat 100 ki samla pule barim lane ki Alumni kila wan shim bynta da lade bad lyngba ka Online.
Bun ngut ki Alumni kiba wan shim bynta ha kane ka Alumni Meet 2023, ki kynthup ia kito kiba la paw bha haka liang ki kam sorkar, ki kam shimet, shipai, ka pule puthi, Banking, ka rep ka riang bad ki nongseng kam lajong.
Haba kren ha kane ka sngi ka Vice Chancellor ka Dr. Alicia Gatphoh kala kren halor ki soh bala khei da ka University bad kala kren ruh halor ka jingdonkam ban thaw ia ka Univeristy Alumni Network bad ban pynkhlain ia ka jingiadei kam hapdeng ki samla pule barim bad ka University ba kin synniang lem ia ka jingshemphang jong ki.
Ka Advisor ka ICFAI University Meghalaya ka Dr. V S B Sangma ula pdiang sngewbha iaki Alumni jong ka University bad kala ai ka jingiaroh iaki samla pule barim kiba la shim ia kane ka sienjam ban iatreilang naka bynta ka bha ka miat ki samla pule jong kane ka University.
Nalor kane ki Alumni ka ICFAI Tura Unit kila pynlong ka jingialang bad kila thaw iaka Committee ba shipor bad kila buh ruh iaki mat jong kane ka Committee.
