-->

Khang tala ka CoRP ia ka karkhana ha Norbong ba kynnoh treikam beain

Date:

Share post:

Nongpoh, Nailur 05: Ka Confederation of Ri Bhoi People (CoRP) Sengkmie hynne ka sngi Ba-ar, kala khang tala ia kawei ka karkhana kaba la tip kum ka Shri. Petro Chemical Mercantile Pvt. Ltd ha Norbong, Byrnihat, Raid Marwet halor ka jingkynnoh ba ka treikam beain khlem da ioh ia kano kano ka jingbit lait tang ka No Objection Cetificate bad ka Trading License.

Ia kane ka sienjam bala shim da ka CoRP la lamkhmat da u Working President Bah Pateng Myrsing, ha ryngkat u Samla Shiningstar Kyntla, Finance Secretary nalor kiwei kiwei ki dkhot.

U Bah Pateng Myrsing, ula iathuh ba ka seng ka la ioh jingtip halor ka rukom treikam jong kane ka karkhana kaba sain ia ki kynja jingkhleh (Chemical) khlem da iohbor ne iaid lyngba ki jingdonkam ha ka liang ki kot ki sla ba dei ban pynbiang napoh ki tnad treikam ka sorkar jylla kiba dei ban khmih halor ki rukom pyntreikam ia kum kine ki karkhana.

Khang tala ka CoRP ia ka karkhana ha Norbong ba kynnoh treikam beain

U la iathuh ruh, ba hadien ka jingjurip ia kane ka karkhana la lap ba ki nongpyniaid ki la pyntreikam tang na ka No Objection Certificate (NOC) na u Rangbah Shnong bad ruh na ka Trading License, hynrei haba wad bniah pat ia ki kot ki sla kiban pyntikna ia ka jingmynjur jong ki tnad ba dei peit jong ka sorkar jylla, ki bor kane ka karkhana kim shem la lah ban pynshisha.

U Bah Myrsing u la kynnoh ba ka jingtreikam jong kane ka karkhana ka lah ban buh jingma shikatdei eh ia ka koit ka khiah ki paidbah nongshong shnong ha katei ka thain namar ka jingpynmih ia ka tdem jakhlia kaba shyrkhei na ki jingkhleh bapher bapher hapoh kane ka karkhana.

Ula pynpaw ruh ia ka jinglyngngoh ba kumno ki bor pyniaid district ka Ri Bhoi District kim shem la don jingtip halor katei ka rukom treikam jong katei ka karkhana bad kumno la shu ailad ia kane ka karkhana ban trei beain ha katei ka jaka.

Share post:

-->
spot_img

Popular

More like this
Related

Wer ka Seng Khasi ia ki paidbah sha ka jingrakhe Seng Kut Snem kaba 127

Shillong, Naiwieng 20 : Ka Seng Khasi Kmie, Shillong...

Kyntait u CM ba pynbor ia ka railway project | Ka Sorkar kan iaid ryngkat ka mon u paidbah

Shillong, Naiwieng 20 : U Myntri Rangbah Conrad K...

SSA Champions Cup | Rung ka Shillong Lajong sha ka semifinal | Hap iakhun dohiap ban pynliem ia ka Mawkhar

Shillong, Naiwieng 20: Ka Shillong Lajong FC ka la...

Kob ka HYC ia u CM ban pynshisha ia ka jingkam siew tulop ba T.4.5 lak, dawa panmap na ki nonghikai

Shillong, Naiwieng 20: Ka Hynñiewtrep Youths’ Council (HYC) kala...