Nongpoh, Nailur 05 : Ka eriong bad u slap ba jur kila lynshop hynne ka janmiet sngi Ba-ar ha ka shnong Umdap Damu haduh ba ki jingthung jingtep bad ki post elektrik kila julor lut bad pynlong ia kane ka shnong ban shongdum khlem bording.
Kane ka jingwan u slap bad ka eriong kala jia haka por 4 baje eiei ha kaba kyndit kynsan ka eriong ryngkat u slap kila ther ha kylleng ki jaka jong ka dong Ri-Bhoi hynrei ka shnong Umdap Dumu kadei kawei naki shnong kaba la shah ktah jur.
Haba pyntip ïa katei ka jingjia u Bah Albert Maring uwei naki nongshong shnong katei ka shnong u la ïathuh haka jingther u slap ryngkat ka lyer kaba jur, kala pynjulor bun ki jingthung jingtep naduh ki kwai, ki kait bad kiwei kiwei bad nalor ki jingthung bun tylli ki post elektrik kila khyllem ha katei ka shnong.
Ula pyntip ba ki paidbah ki hap ban shong dum namar ka jingbym don shuh ka bording elektrik.
