Nongpoh, Nailur 1: Ka National People Party (NPP) Nongpoh Block kala rakhe kynmaw burom ia ka lyngkhuh sngi kha ba 76 jong u Nongseng ka Party (L) Purno A Sangma da kaba pynlong ia ki plogging run ha sor Nongpoh, ban tam ia ki jaboh bad ki plastic ha shilynter ka surok bah bala bret pynjakhlia da ki nongleit nongwan.
Ia kane ka jingrakhe la pynshongkun da ka jingiadonlang ki Nongialam ka NPP-Ri-Bhoi District bad ka NPYF –Ri-Bhoi.
Ka NPP-Nongpoh kala khein kyrpang ia kane ka sngi kum ka dak ban kynmaw bad burom ia u synniang u bynhei jong u Purno A Sangma (Bam Kwai ha Dwar u Blei) ba ula bet myn ha ki por ba u dang don ha sla Pyrthei bad ban kynmaw ia ka lyngkhuh sngikha kaba 76 jong une u radbah ka sain pyrthei ka Jylla bad ka thain Shatei Lam Mihngi.
Nalor kane, kane ka jingrakhe ka long ruh ban pyndon burom ia ka jingdap 11 snem jong ka National People Party (NPP) kum ka seng sain pyrthei hapoh ka Jylla.
Ha kane ka Plogging run, la wan ban shim bynta lang da u Bah Clement Mawlong, President NPP Ribhoi District uba la shim ruh ïaka bynta kum u kongsan ban iathuh ïaka khana lyngkot haka jingïaid lynti jong u Late PA Sangma, hakaba la ïadon lang ruh da u Bah Rayonald Kharkamni Vice president NPYF State youth, u bah Pyndaplang Wahlang President NPYF Ribhoi District, bah S.R.Syngkli and Henry Nongrum Working president Nongpoh block, Bishar Timung General secretary Nongpoh block, Kong Felicia Mary Kharhunai, Bah Linus Lyngdoh President NPYF Nongpoh, Auzilia Kharmujai bad ki khun samla kiba dei ki dkhot jong ka NPP.
Pule lang ia kane: Iap 8 ngut ki briew na ka jingpang khieshohrih ha South Garo Hills
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
