Shillong, Nailar 30 : Ka Khasi Students’ Union (KSU) ha ka sngi Balang kala ujor da ka ejahar pyrshah ia u Additional Superintendent of Police, Deputy Superintendent of Police bad kiwei ki Pulit ka East Jaintia Hills halor ka jingkynnoh ba ki pyndonkam bakla ia ka bor da kaba shoh bad bom ia ki paidbah kynthup ki Kynthei ha ka jingiakhih pyrshah ia ka Public Hearing ban pynheh ia ka project ka M/s Meghalaya Cement Limited (Topcem) ba long ha Thangskai myn ha ka 24 tarik.
“Ngi kwah ban ujor ia ka ejahar pyrshah ia u Addl SP, DySP bad ki Pulit kiba shoh ia ki kynthei bad baroh ki Pulit kiba shoh ia uwei u briew ha ryngkat bad u Addl SP. Kine ki briew kila leh ia ka kam bymman bad kila pyndonkam bakla ia ka bor bala ai ha ki da ka ain bad namar kata, dei ban register case pyrshah ia ki kat kum ki kyndon ain ba don” ong u President ka KSU-Narpuh Circle Kwilnis Suchiang.
Ula ong “Ka ain ka treikam kumjuh ia baroh bad namar kata, ki ruh ki dei ban mad ia kajuh ka ain” ula bynrap.
Kat kum ka jingong jong u, ki Pulit ki don ia ka hok ban leh ia kaei kaba dei hynrei kaei kaba jia ha katei ka sngi ha Thangskai hapoh ka phyllaw ka Topcem ka dei tang ka jingpyndonam bakla ia ka bor da ki Pulit ha kaba ka jingjrong kti bad jingbom jingtied ka dei kaba palat ia u pud.
“Ki video kila saphriang ha ki social media bad lah ban iohi ba ki Pulit kila pyndonkam ia ka bor shaba palat liam ia u paidbah lehse halor ka jingbthah jong ki arngut ki nongtrei a Topcem kumba la ioh na ki video ba kine ki briew kila bthah ia ki Pulit ban bom ban tied ia ki paidbah” ula ong.
Ula kynnoh ruh ba lah ban iohi na kawei ka video bala pynsaphriang ba uwei u briew ula shah shoh dusmon ha ki Pulit kiba don kumba 10-15 ngut eiei bad uwei uba ialam ban bom lathi u dei u Addl SP ka East Jaintia Hills.
Ula ong ba kawei pat ka video ka dei ka bym lah ban pdiang ka dei ka jingbom lathi ia kawei ka kynthei da u Pulit. Kane ka longkmie ka dang iaid bad kam shym la iohi ia ki Pulit hynrei balei u thombor ia ka. Kane ka dei ka jingjah burom ba u Pulit ula thombor ia ka Longkmie khlem kano kano ka daw.
 ha ka sngi Balang kala ujor da ka ejahar pyrshah ia u Additional Superintendent of Police, Deputy Superintendent of Police bad kiwei ki Pulit ka East Jaintia Hills halor ka jingkynnoh ba ki pyndonkam bakla ia ka bor da kaba shoh bad bom ia ki paidbah kynthup ki Kynthei ha ka jingiakhih pyrshah ia ka Public Hearing ban pynheh ia ka project ka M/s Meghalaya Cement Limited (Topcem) ba long ha Thangskai myn ha ka 24 tarik.){kind=link}