Shillong, Nailar 30 : Ka Iingkashari Meghalaya High Court ha ka sngi Balang kala pynpaw ia ka jingbynniaw halor ka jingslem ban pynbeit ia ka kam ba iadei bad ka jingtyrwa ban pynkynriah ia ki 342 tylli ki Longiing na Them Metor, Them Iew Mawlong.
“Kane ka kam haduh mynta ka dang sahteng ban pynbeit watla ka jingiakren hapdeng ka Sorkar bad ki nongshah mudui” ong ka Division Bench ha ka hukum bala pynmih hadien ka jingbishar ia ka mukotduma bala mudui da ka Sorkar bad ka Harijan Panchayat Committee (HPC).
Ka hukum ka ong ba u Advocate General ula dep pyntip ba ka Sorkar ka don ap khmih lynti ban wan ka jingkyrpad na ki nongshah mudui ba kan ai katto katne ka jaka.
“Namar kane ka kam, ka Sorkar kala kyrpad ban pynkynriah shuwa ia ka jingbishar sha ka saw taiew” kala bynrap.
