Shillong Nailar 29: U Chief Executive Member ka Khasi Hills Autonomous District Council u Bah Pyniaid Sing Syiem hynne ka sngi Baar ula pyntip ba ka Council kala dep iakren bad u Sector Officer jongka tnad pulit ba un buh ia ki pulit ha man ki lad ha Iewduh n aka bynta ban tehlakam ia ki nongtuh bad nongkloh pla hapoh Iewduh.
“Ngi lah iakren mynne badu Sector Officer jong ka tnad pulit ba un buh ia ki pulit ha man ki lad ban rung sha Iewduh ban tehlakam ia ki nongtuh bad nongkloh pla. Ka jingdon ki Pulit ha ryngkat ki Pulit Syiem kan pyn pyrkhat arsien ia ki riew runar ban pyntriem” ong u CEM haba iakren bad ki nongthoh khubor hadien ka jingjurip ia ka Iewduh.
Ula ong ba ki don ki jaka kaba ki paidbah kim sngew shngain shuh namar ba ki don ki jaka kiba dum tliw tliw ba kine ki jaka ki khring ia ki nongleh kam sniew ban shim kabu ban ioh leh iaki kam sniew.
U CEM ula ong ka KHADC kan sa shimkhia lyngba ka Fifteen Finance Comission ban buh ia ki Solar Light, ki Light ha ryngkat bad ki kor CCTV hapoh Iewduh na ka bynta ban ai jingshngain ia ki paidbah ban ban tem ia kino kino ki kam sniew.
U Bah Pyniaid ula ong, ha kaba iadei bad ki jaka jong ka Municipal ne MUDA, ka KHADC kan sa ai jingmut ba kin pynthymmai noh ia ki CCTV Camera namar ki don ki bym shim la treikam shuh.
Pule lang ia kane: Hiar jurip ka KHADC ia ka Iewduh, bynniaw u CEM ba jaboh shaba palat kane ka Iew Kyntang
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
